A SCHRÄGE WIES`N AM DONAUKANAL IN WIEN
Was brauch ih mehr, ih hab mein Fernseher, des Glotzodrom,
hab mei Resi und a schene Wohnung, wo ih wohn!
Des Auto hab ih auf Rate`n,
waunn`s sche is nehman wia unsa Badematt`n
mit an Jausnpack`l und vier Bier,
fahr`n wir mit da Bim und de U-Vier.
"Auf de schräge Wies`n am Donaukanal",
da gibt`s gnua ruhige Platzerl`n noch freia Wahl.
Da ziag ma uns aus, bis auf a klans Fleckal,
nau waun a Wind geht, nehma halt a grösseres Deckal!
Lass`n de Sunn am Bauch uns scheine und trink`n dazu a Bier,
fühl`n uns wohl und bleib`n recht launge hier.
De Resi un ih dann a bissal plaudan üba dies und üba das,
und richt`n aundare Leut aus, des macht uns an ries`n Spass!
Des Lieg`n is do umasunst,
und waunst amol Pinkl`n muast, daun gehst hinta a Gebüsch und "brummst",
weil durt liegt scho a Liebespaar und er wirbt um ihre Gunst.
Nau daun geh ih halt a Stickal weida, auf a öffentliches WC,
und waunst daun ausse kummst, so ohne Druck, nau des is schee!!!
Was brauch`n wiar Italien oda Griechenland,
es is auch sche in unsam Laund!
Wiar fühl`n uns wia im Urlaub und san doch daham,
am Donaukanal kennanwiar scho jed`n Sta und jed`n Bam.
Von unser`n Platzerl`n schaun wiar uns in da Gegend um,
niemaund stört einem, um dich herum.
Ausprobiern hast die Devise,
am "Donaukanal in Wien, auf der schräg`n Wiese!"
copy: Franz Ramharter (in Wiener Mundart geschrieben)